Sa die

Naschet su Sardu soggettu
A milli cumandamentos,
Tributos e pagamentos
Chi faghet a su segnore,
In bestiamen et laore
In dinari e in natura,
E pagat pro sa pastura,
E pagat pro laorare.

Barones, sa tirannia,
Procurade e moderare,
Procurade e moderare,
Barones, sa tirannia

Meda innantis de sos feudos
Esistiana sas biddas,
Et issas fìni pobiddas
De saltos e biddattones.
Comente a bois, Barones,
Sa cosa anzena est passada?
Cuddu chi bos l’hat dada
Non bos la podiat dare.

Barones, sa tirannia,
Procurade e moderare,
Procurade e moderare,
Barones, sa tirannia

No est mai presumibile
Chi voluntariamente
Hapat sa povera zente
Zedidu a tale derettu;
Su titulu ergo est infettu
De s’infeudassione
E i sas biddas reione
Tenene de l’impugnare

Barones, sa tirannia,
Procurade e moderare,
Procurade e moderare,
Barones, sa tirannia

Sas tassas in su prinzipiu
Esigiazis limitadas,
Dae pustis sunt istadas
Ogni die aumentende,
A misura chi creschende
Sezis andados in fastu,
A misura chi in su gastu
Lassezis s ‘economia.

Procurade e moderare,
Barones, sa tirannia,
Barones, sa tirannia,
Procurade e moderare,
Barones, sa tirannia

Non bos balet allegare
S’antiga possessione
Cun minettas de presone,
Cun gastigos e cun penas,
Cun zippos e cun cadenas
Sos poveros ignorantes
Derettos esorbitantes
Hazis forzadu a pagare

Barones, sa tirannia,
Procurade e moderare,
Procurade e moderare,
Barones, sa tirannia

A su mancu s ‘impleerent
In mantenner sa giustissia
Castighende sa malissia
De sos malos de su logu,
A su mancu disaogu
Sos bonos poterant tenner,
Poterant andare e benner
Seguros per i sa via.

Procurade e moderare,
Barones, sa tirannia,
Barones, sa tirannia,
Procurade e moderare

Est cussu s’unicu fine
De dogni tassa e derettu,
Chi seguru et chi chiettu
Sutta sa legge si vivat,
De custu fine nos privat
Su barone pro avarissia;
In sos gastos de giustissia
Faghet solu economia

In sos gastos de giustissia
Faghet solu economia
Procurade e moderare,
Barones, sa tirannia,
Procurade e moderare,
Barones, sa tirannia,
Barones, sa tirannia,
Procurade e moderare